Love of God

Pathian Hmangaihna

    Nicky Cruz-a chanchin ropui lai kan chhui ang. December ni 6, 1938 khan Las predras, Puerto Rico khuaah a lo piang a. An khua  chhuah sanin, New York-a a unaupa a va fin ve ta rawi a. Chutah chuan lehkha te zirin, gang(misual rual) a zawm a. Mau Maus hruaitu hial a lo ni ta a ni. A nuam tih ber chu thisen chhuah leh mi rawk a ni a, a kum ai tam lung in a tang a. Lawyer-te pawn tihngaihna an hre tawh lo. Hmangaihtu a nei lova, amah pawn hmangaih a nei lo. A nu pawn, "Nicky, ka hmangaih lo che"a lo tih hial a ni. 

       Pastor David Wilkerson-a chuan, "Nicky-a hi hmuh ka duh. Pathian hmangaihna hrilh ka duh" a ti a. A thiante chuan, "Pathian i ti ang a, hmangaih tih i sawi hman lo vang"an ti a. Tum  khat chu biakna hun remchang a hmu hlauh mai. Pastor chu, Nicky-a bulah va kal hnaiin, "Nicky, Isuan a hmangaih che." Dam diai hian a'n sawi a. Nicky-a chuan a chemte phawi phah chuan, "han sawi nawn leh teh" a ti a. Pastor chuan, " Nicky, ka taksa hi bung hrang hrangin chan pawh ni la, chu ka taksa bung hrang chuan Nicky, Isuan a hmangaih che tih a ni tho tho ang" a ti. Nicky-a mittui a tla ta. "tak tak maw? Isua'n min hmangaih tak tak maw? A va lawmawm dawn ve" a ti a. Mahse, misual tawrawt a ni a, Pastor chu a en reng ngam lo a tlansan a, theihnghilh a tum hram hram a. Mahse, Nicky-a thinlungah "Nicky, Isua'n a hmangaih che" tih a ri nawn ut ut mai a. A hmangaihna chuan engmahin an hliahkhuh zo lo tih chu a hla a ni ringawt.

        Pastor-in Pathian hmangaihna tih puilpita a sawi laiin, Nicky-an mittui a hru seng lo. Pastor chuan inhlanna a siam a. Nicky-a leh a hote chu Pathian hmaah inhlanin, chhandamna an chang ta a ni. Tunah chuan kum 81 niin, Christian Evangelist tha tak niin, lehkhabu tam tak a ziak tawh a ni.

# Mi tawrawt Nicky Cruz, sawrkar leh dan pawn tihngaihna leh siamthat ngaihna an hriat tawh loh kha, Pathian hmangaihna chuan a siam tha thei a. Pathian hmangaihna hi a lo va hlu em! Tawp chin a awm lova, ngaihdam theih loh a nei lova, misual berte siam thatu ber a ni.