2 charactars of Human

Mihring Mize Chihnih Instinct leh Intellect  

Hringnun Dictionary    By Vena 

      Zing kan han thova, chanchinbu kan chhiar a. A thenin facebook atang kan chhiar a. Ni tina kan chanchinbu chhiar chuan hlim lohna hlir mai min thlen a. Naupang pawngsual emaw, tualthahna emaw, mahni intihhlum etc.. chung chu kan hmu thin a ni.

                     Chung zawng zawng a thlen chhan chu, zu an ruih vang, damdawi an ruih vang, depression vang kan titheuh awm e. A dik mai thei. Mahse, a chhan dik tak chu rilru fim leh ngaihtuahna fing an put loh vang a ni. Mihring rilru put hmang hi chihniha then a ni a, chungte chu Instinct leh Intellect-te an ni. A thukphumah  lut ang.

               Instinct thluak nei mi chu, a chungah thil lo thleng se; rilru fim hmang lova tihlet ching mi hi an ni. Entir nan : Miin an benin, beng let ve mai. Miin an relin, rel let ve nghal mai. Zu ruiin insual lo cho se, sual ta mai. A tawi zawnga sawi chuan ram sa rilru pu an ni ber. Ui vuatu kha, ui chuan pastor e, doctor e, hmeichhia e a ngaihtuah thiam lo. Chuvang chuan 'Instinct' chu ram sa thluak tiin an vuah.

              Intellect thluak nei mi chu, thil pakhat khat tidawn se; thil tha leh tha lo ngaihtuahna fim hmang thiamte hi an ni. Instinct-te angin an ti ve duh mai nain; mahse, ka tihlet hian rah tha a chhuah lo ang. Keipawn ka tuar phah ang a. Lung in thleng thei ka ni tih lam an ngaihtuah thiam thin.

           Mihringte hian Instinct leh intellect thluak kan nei vek a. Amaherawhchu, hemi 'instinct' rilru kan tih, ram sa rilru tam bik hi kan awm a ni. Mahse, 'instinct' kan ram sa rilru hi, 'intellect' nen control tum tlat hi mifingzia a ni.  Kan control thei lo anichuan kan ram chu ram sa ram a ni mai ang. 

              A nih chuan he 'instinct' ram sa rilru hi, 'intellect' ngaihtuahna fim hmang rilru nen in balance turin engtin nge kan tih ang? A siam that dan tur kawng awm chhun chu:Nun inzirtirna lam lehkhabu chhiar, Pathianthu lam chhiar, nu leh pa/mi fingte thusawi ngaihthlaka zawm,  a pawimawh ber chu lehkhabu chhiar hnem a ni.